Gleðikórinn

Jólagleði

2009-11-25T23:36:00.001Z

Jæja krakkar mínir. Við í gleðiteyminu höfum ákveðið að jólagleði Gleðikórsins verði haldin föstudagskvöldið 18.des.
Staðsetning er ekki ákveðin. :)

Gleðiútilega

2009-06-30T23:06:00.001Z

Jæja kæru gleðikórsfélagar.

Nú er komið að Gleðiútilegunni. Hugmyndin er að vera í húsi þetta árið, því það var tjaldútilega í fyrra. En allt er breytingum háð. ;)
Fyrsta hugmynd er Flatey, en þar getum við ekki verið í húsi. Þau eru ekki nógu stór fyrir okkur öll. Ég miða við ca.20manns. Það kostar 4000 kall á manninn í ferjuna (fram og til baka) og 500kall á mann í tjald.

Helgarnar sem um ræðir eru 3. helgin (17-19) í júlí eða 4. helgin (24-26) í júlí. Hér með spyr ég hvora helgina fólk vill heldur.

En svo er þetta með að vera í húsi. Þá getum við alveg farið seint í ágúst eða einfaldlega í september. Allar hugmyndir að húsi vel þegnar.

Svo er náttla gamli góði Forsetalundurinn (Ákalundur) í Þrastarskógi. Það er mjög einfalt og þægilegt. Og alltaf gaman. :)

Endilega segið allar ykkar skoðanir og hugmyndir.

Við vitum að fyrirvarinn er frekar stuttur, en svona er þetta bara. :)

Kveðja
Gleðiteymið

Staðsetning árshátíðar

2009-06-11T10:16:00.002Z

Hæ hó kæra gleðifólk!

Það er komin staðsetning á árshátíðina loksins! Hún verður haldinn heima hjá því ektapari Láru og Óla að Hverfisgötu 74 á efstu hæð!

Munið líka að það er síðast dagur í dag til að skrá sig og borga!

Með gleðikveðju!
Ykkar einlæga gleðiteymi!

ÁRSHÁTÍÐ OG AÐALFUNDUR

2009-06-01T14:48:00.002Z

Kæru Gleðikórsmeðlimir!
Það er loksins komið að því að upplýsa meira um hina mjög svo gleðilegu gleðiárshátíð Gleðikórsins! Eins og allir ættu að vita þá verður árshátíðinn haldinn laugardaginn 13. júní n.k. svo ef þið eruð ekki búin að taka daginn frá þá gerið það núna!!!

Þetta gleðibréf inniheldur annars eftirfarandi gleðiatirði:- Uppsetningu árshátíðar- Matseðil árshátíðar- Aðalfundarboð- Auglýsinga á lausum embættum í gleðiteymi.- Upplýsingar um skráningu og verð

Uppsetning árshátíðar og matseðill Árshátíðin verður haldin í heimahús (ekki allveg ákveðið hvaða heimahúsi!!) og mun verða boðið upp á glæsilega kvöldverð. Matseðilinn verður eftirfarandi:
Aðalréttur:Lasagna í mörgum myndum framreitt með gleðilegu sallati og hvítlauksbrauði.
Eftirréttur:Súkkulaði kaka með ís og rjóma og jafnvel ef velárar jarðaberjum!

Menn koma með sína eigin drykki en þurfa ekkert að koma með glös!!!

Dagskráinn verður eftirfarandi:
18:00 - Mæting í hið óræða heimahús!
18:30 - Aðalfundur Gleðikórsins hefst
19:00 - Matur borinn á borð og allir gleðigestir matast og mettast.

Eftir þetta er aldrei að vita hvað gerist!!!!

Athugið að skemmtiatirði eru velþegin :o)

Aðalfundarboð og framboð til gleðiteymis!
Árshátíð og aðalfundi verður að þessu sinni slegið saman. Megin áhersla verður á árshátíðna því ekki gerum við hið gleðilega gleðiteymi ráð fyrir því að aðalfundur taki meira en um 15 gleðimínútur!!!
Hið ágæta gleðiteymi mun senn láta að stöfum og auglýsum við því eftir öðru gleðifólki til að taka að sér starf gleðiteymisins! Áhugasamir geta sent póst á flovenz@gmail.com eða bara komið með stuðið og boðið sig fram á hinum gleðilega aðalfundi!!

Upplýsingar um skráningu og verð!
Skráning er þegar hafinn á árshátíðina. Skráning fer fram á netfanginu flovenz@gmail.com. Hópumst nú saman í gleðinni og skráum okkur í síðasta lagi fimmtudaginn 11. júní n.k.! Verð á árshátíðina verður 2000kr á mann. Upplýsingar um hvernig á að borga má finna í tölvupósti!!

Hafi menn hug á að koma eingöngu í partý en ekki matinn borga ekki neitt en eru hins vegar samt sem áður beðnir um að skrá sig! Gera má ráð fyrir að matur klárist og partý hefjist um kl. 21:30.

Með von um góð og gleðileg viðbrögð!Ykkar einglæga Gleðiteymi,Hilla, Erna, Sigrún og Lára.

Gleðihátíð

2009-04-21T23:37:00.001Z

Jæja lömbin mín! Það er komið að henni, árshátíð Gleðikórsins!

Hún verður haldin laugardaginn 6. júní n.k. svo allir að taka daginn frá!

Allar nánri upplýsingar berast ykkur í tækatíð :o)

Kveðja
Ykkar einlæga gleðiteymi!

Gleðileg bolluveisla

2009-02-11T22:24:00.003Z

Jæja fallega fólk nú fer bolludagurinn að bresta á og það verður bolluveisla hjá okkur Helga.... Bolludagurinn er búin að vera í vinnslu síðan síðasta bolludag... (eða sunnudaginn fyrir bolludag)

það verður fjölbreytt bolluúrval og vonandi koma sem flestir og borða á sig gat af bollum og eiga með okkur góðan dag...

Staður Hæðargarður 18

stund: sunnudagurinn 22. feb (konudagurinn, dagurinn fyrir bolludag) klukkan 15:00

GRÆNIR DAGAR: FATASKIPTI - GÖMUL FÖT OG SJÁLFBOÐALIÐAR ÓKAST

2009-01-30T11:09:00.002Z

Hæ, sendi þetta áfram því veit að mörg ykkar hafið áhuga á svona löguðu :)

GRÆNIR DAGAR: FATASKIPTI - GÖMUL FÖT OG SJÁLFBOÐALIÐAR ÓKAST!!

Sæl öll !Áttu einhver föt sem þú notar ekki og þarft að losna við og gætir hugsað þér að skipta þeim fyrir önnur ? Eruð þið hugmyndarík, nýtin og góð að sauma? Uppyllir þú þetta ? Þá viljum við fá ÞIG til að hjálpa okkur með í Fataskipti Grænna Daga viðburðinn !

Í fyrstu viku mars mánaðar mun Gaia skipuleggja Græna Daga í Háskóla Íslands. Við munum hafa marga viðburði á Háskólasvæðinu með það að markmiði að vekja til vitundar græn og siðferðisleg gildi. Þú getur haft áhrif !!

Hvað þurfum við :

GÖMLU FÖTIN ÞÍN - áttu einhvern fatnað sem þú ert að hugsa um að losa þig við ? Komdu með þau til okkar fyrstu viku mars mánaðar og við munum gefa þér fatamiða sem gefur þér rétt til að skipta um flík !

SAUMAHÆFILEIKAR ÞÍNIR - ertu handlaginn skraddari ? Langar þér til að sýna áhugasömum hvað þú ert góður skraddari ? Já ? Þá er þetta þitt tækifæri. Á Háskólatorgi fimmtudaginn 6. og föstudaginn 7. mars þurfum við að fá áhugasama til að sýna hvernig hægt er að endursníða og endurnýta notuð föt. Frábær leið til að vara uppfinningasamur !

LEGGJA TIL HJÁLPARHÖND - ertu með góða samskiptahæfileika og með skipulagsgáfu ? Ertu listræn(n) ? Okkur vantar fólk til að hjálpa okkur að taka á móti og flokka fatnað, sjá um fataskipta borðið, búa til fatamiða, skilti og skreytingar ... og meira til.

Takið eftir, við tökum ekki á móti sokkum og undirfatnaði !!Vonumst til að heyra frá ykkur sem allra fyrst ! GAIA

- Besta leiðin til að vera með er að skrá sig á Facebook í hópinn "Green Days - University of Iceland" eða hafa samband við Ruth í síma 8207687 og Katie í síma 6625962. Email ruderuth (hja) gmail.com or duckducktheduck (hja) gmail.com

Kveðja, Karen!

spila, spjalli, át og kósý kvöld

2009-01-23T21:04:00.002Z

Já svoleiðis kvöld verður hjá mér sunnudagskvöldið 25. janúar klukkan átta

kveðjur Ásdís...

(og svo skuluð þið taka sunnudaginn fyrir bolludaginn frá... því þá verður hin árlega (hefðin byrjaði í fyrra) bolluhátið gleðikósins haldin í boði okkar Helga.... Allar spennandi bollu-uppskryftir óskast)

Gleðileg jól Gleðikór

2008-12-23T13:02:00.005Z

.....og svona rétt til að minna ykkur á mikilvægi rauðvíns á þessum árstíma

Hó, hó, hó og gleðileg jól

Takk fyrir yndislegar stundir á síðustu árum, það er nokkuð víst að þið eruð besta fólk sem hægt er að kynnast. Sjáumst vonandi öll hress og kát þann 27. desember í Jólapartý Gleðikórsins.

Hlakka til að sjá ykkur og vonandi sjáumst við mun oftar á nýju ári.
Bestu jólakveðjur,
Sigurást

Kórdrengur

2008-12-14T18:00:00.001Z

Í nótt bættist nýr kórdreingur í barnakór gleðikórsins...

til hamingju Biggi, Ýrr og Egill :-)

Dagskrá Gleðikórsins í desember

2008-12-08T10:35:00.003Z

Kæru Gleðikórsfélagar,

Desember er yndislegur mánuður og nóg framundan hjá okkur í Gleðikórnum. Hér eru nokkrar mikilvægar dagsetningar

16.desember - kóræfing vegna jólasöngs 23.des

23.desember - jólasöngur í miðbæ Reykjavíkur

27.desember - Jólagleði gleðikórsins - ath það er búið að stofna atburð á Facebook um málið! Upplýsingar verða líka sendar í tölvupósti.

Svo er náttúrlega aldrei að vita nema fleiri skemmtilegir dagskráliði bætist í hópinn! Fylgist með!

Smákökuhittingur

2008-12-02T10:50:00.003Z

Elsku gleðikór,

Ég bíð til smákökuhittings heima hjá mér fimmtudaginn 4. desember svona upp úr átta! Allir sem nenna og eru búnir að baka koma með smákökur til smökkunar og við gætum jafnvel skipst á uppskriftum ef einhver fellur allveg í stafi yfir annarra manna kökum! Þeir sem ekki nenna eða hafa tíma til að baka koma bara og borða það sem hinir koma með!

Heimilsfang og nánari upplýsingar komu til ykkar í tölvupósti.

Sjáumst vonandi sem flest!

Hilla

spjallihittingur

2008-11-24T15:36:00.002Z

Ég býð í annan spjallikósíborðaföndra hitting... Ég skal skella í eina köku ef ég nenni og svo eru allar hekklunálar og prjónar velkomnar.. allir spjallarar og köku unnendur er líka sérstaklega velkomnir að njóta með mér og mínum góðrar kvöldstundar...

staður : Hæðargarður 18
stund: miðvikudagurinn 26. nóv 2008

Ammæli

2008-11-20T12:24:00.000Z

Hún Sigga okkar á afmæli í dag. :)

Messiah eftir Handel

2008-11-19T15:34:00.002Z

Elskulegir gleðikórsfélagar

Háskólakórinn ykkar gamli frábæri og yndislegi kór heldur tónleika í næstu viku.

Flutt verður Messiah eftir Handel.

Staður: Neskirkja

Stund: Mánudagur 24. nóvember kl 20.00

Þriðjudagur 25. nóvember kl 20.00

Verð: 1500 krónur í forsölu, t.d hægt að fá miða hjá mér

annars 2000 við innganginn.

Það væri yndislegt að sjá ykkur

Ammæli

2008-11-19T15:24:00.000Z

Hann Gaui gullrass á afmæli í dag. Til hamingju með daginn félagi. :)

föndurspjallikvöld

2008-11-05T16:31:00.003Z

mig langar að hitta ykkur... því býð ég til föndur spjallikvölds á morgun fimmtudag um átta leitið... bara koma til mín og spjalla... allir prjónar og hekklunálar eru velkomnar ásamt áhasömum sjöllurum...

kveðjur Ásdís á Hæðargarði 18

Carmina Burana

2008-10-20T17:58:00.003Z

Elskurnar mínar....... Carmina Burana

Miðar hjá mér og Ernu

ATH.
Verkið verður flutt með hljómsveit, ekki með 7 manna slagverkssveit eins og hefur tíðkast hér síðastliðin ár.
Þetta hefur ekki verið flutt með hljómsveit síðan í óperunni fyrir mörgum árum. (held ég)

4000 kall fyrir 50manna hljómsveit og 70manna kór er ekki svo mikið ef spáð er í það. ;)

Hvað er að ske!!!!

2008-10-05T00:57:00.002Z

Jæja krakkar, hvað er eiginlega að ske.
Það er ekkert að gerast hjá Gleðikórnum.
Hvað varð um aðalfundinn?

Þetta er ekki hægt. Verðum að fara að gera eitthvað. Nú eru öll brúðkaup búinn í bili og ekkert að vanbúnaði að drífa sig í almennilegt fyllerí.

Frábær helgi

2008-07-27T21:53:00.002Z

Vildi bara þakka kærlega fyrir mig! Þetta var frábær útilega enda fátt betra en gott veður í lundinum góða í félagsskap frábærs fólks og kartöflusalats!

Er strax farinn að hlakka til Litla brúns fyrir lengra komna á næsta ári :o)

Litli brúnn fyrir lengra komna

2008-07-22T17:59:00.002Z

Eins og allir ættu að vita hópast Gleðikórsmeðlimir saman í Þrastarlundi um næstu helgi! Allir vita hvar lundurinn góði er og mun ferðin vera undir heitinu Litli Brúnn fyrir lengra komna.

Frjálst að mæta hvenær sem er, föstudag eða laugardag já eða kíkja í þynnkuna á sunndaginn allt eftir því hvað verjum hentar!

Það væri gaman ef þið settuð komment hvort þið kæmuð eða ekki, svona til að kíkja á stemmninguna! Ég er annars full viss um að stemmningin sé gríðarleg og gleðikórsmeðlimir hópist í lundinn!

Sjáumst í lundinum
Ykkar einlæg,
Hilla

Ljótir hálvitar

2008-07-06T10:08:00.003Z

miðvikudaginn 16. júlí verða Ljótu Hálvtarnir með tónleika í Iðnó..... þeir eru miklir snillingar og guðdómlega skemmtilega fyndnir... ég vil kvetja sem flesta til að koma með mér og kynnast þessari snilldarhlómsveit.. þar sem gleðin ræður ríkjum og lögin eru hvert öðru betra... Hér er myspace síðan þeirra og þar er hægt að heyra tóndæmi....tónleikarnir hefjast klukkan níu og það kostar 1500 kr inn....Gaman væri að hittast fyrir tónleikana og skunda svo saman á tónleika.... ég lofa góðri skemmtun og ég vil endilega að sem flesti kynnist þessari snilldarhljómsveit....

Tékkið á þessu!!!

2008-07-03T10:51:00.002Z

Kristín Laufey í tjaldstæðiskrísu!!!

Kaffihús á sunnudag

2008-06-20T21:23:00.000Z

Hvernig líst ykkur á að kíkja í smá kaffi í Laugardalinn? Þar er voða kósý kaffihús http://www.cafeflora.is/ þar sem við getum setið úti ef það er gott veður, eða inni ef ekki :) Bæði hægt að fá smáréti og kökur. Börn eru velkomin! :)

Mæting á Cafe Flóru kl.14:00 á Sunnudag 22.júní!

Útilega!!!

2008-06-06T11:14:00.003Z

Jæja krakkar.

Ég er búinn að panta lundin okkar góða, helgina 25-27 júlí!!!

Þannig að allir að taka þá helgi frá, Litla Brúns nostalgía!!!! :)

Leoncie

2008-05-27T08:55:00.001Z

jamm og jæja

2008-05-14T00:23:00.001Z

Hér er ekkert að gerast!!!

Hvað segiði, hvenær verður aðalfundur eða eitthvað.
Er ekki málið að fara að hittast eitthvað?
Plana sumarið og þessháttar. :)

tæpir 2 dagar í Gull og Gleði

2008-04-17T22:29:00.003Z

Yfir 30 manns eru að fara mæta í mat á Thorvaldsen á laugardaginn og enn fleiri bætast við seinna í kvöldið!!!

Eru ekki örugglega allir að fara mála bæinn rauðan á laugardaginn??

vúhú...

* GULLNIR TÍMAR GLEÐIKÓRSINS *

2008-04-14T18:44:00.006Z

5 DAGAR Í ÁRSHÁTÍÐ GLEÐIKÓRSINS!!!

-----------------------------------
ÞEMA kvöldsins er DADDARÆÆÆ :

*GULLNIR TÍMAR GLEÐIKÓRSINS*

Þemað má túlka á marga vegu t.d
- Fara í eitthvað ótrúlega hipp og kúl GULLOUTFITT frá toppi til táar

- Koma með skemmtilegar sögur og myndir og tónlist og skemmtiatriði og minningar og júneimitt sem minnir á okkar GULLNU TÍMA í Háskólakórnum

- Koma í kjólnum sem maður var í á árshátíðinni þegar kórbarnið manns kom undir

- Reyna við gaurinn/píuna sem maður var ógó skotinn í þegar maður var í Háskólakórnum en þorði aldrei að reyna við (......uhhhh ef það er einhver einhleypur og kórbarnlaus eftir sem maður reyndi ekki við þá)

- og svo framvegis..
..the sky is the limit!

------------------------------------

DAGSKRÁ hinnar GULLNU árshátíðar ársins er sem hér segir:

kl.17.00 Fordrykkur hjá Hörpu á Frakkarstígnum
(allir mæta með góðar fordrykkjaveigar við sitt hæfi)

kl.19.00 Stefna tekin á Bertelstofu (Thorvaldsen)
Matur og drykkur í boði hvers og eins :)

Skráningaremail vegna mataróska VAR SENT út í dag og svara ER krafist ei síðar en KL. 17 á miðvikudag 16.APRÍL (hugsa hratt!)

MATSEÐLAR SEM Í BOÐI ERU hljóma svona:

10.Tasting Italiano -4190kr.-
Hörpuskel"fresh wipes" lótusrót,chili,wasabibaunir Kjúklingabringa"finding forester" Basil,kóngasvepparisotto,truflur Súkkulaði fondant"marko polo" Pistasíu-marsípan ís, karmella,kakóbaunir

30.Tasting Skandinavia -4390kr.-
Sjávarréttasúpa "thorvaldsen style" Lambafillet"Icelandic" Papa dum,portóbelló sveppur,tómatar Hvíttsúkkulaði og skyr "panna cotta" Bláber,mjólkursúkkulaði,vanilla

60. Party menu -4290kr.-
Eldhúsið velur fjölbreyttan matseðill þar sem allar reglur og lögmál eru brotin!

ÚÚÚ JÉÉÉ

NAUÐSYNLEGT ER að SKRÁ SIG á árshátíðina og skráningin fer í gegnum mailið erna.maria.jensdottir@gmail.com - NAFN+MATSEÐILL SEM ÓSKAÐ ER (ekki er nóg að hafa skráð sig á facebook - ÞETTA ER TIL AÐ VITA HVER ÆTLAR AÐ FÁ HVAÐA MAT - SVO ALLIR FÁI NÚ EITTHVAÐ!)

Eins og fyrr segir biðjum við ykkur um að tilkynna um þáttöku og matarval í dag, á morgun eða á hinn daginn fyrir kl.17 þann 16.apríl í síðasta lagi!

Svo Hlökkum við til að TJÚTTA SAMAN

ÖLL SKEMMTIATRIÐI VERÐA LEYFÐ

MAKAR ERU ENGIN FYRIRSTAÐA

ALLT ER GULL SEM GLÓIR

Tónleikar Háskólakórs, 27.apríl

2008-04-14T09:24:00.000Z

Værirðu til í að auglýsa vortónleikana á síðunni okkar, eru ekki gamlir félagar ágætis markhópur?

Þeir verða 27. apríl kl. 17. í Neskirkju, verð íforsölu 500 fyrir námsmenn, börn, aldraða og öryrkja og 1000 fyrir aðra.Við innganginn er verðið 1000/1500. Sungið verður prógrammið sem við förum með til Póllands, mikið af þjóðlögum og svo verða 3-4 styttri verk. Allt án undirleiks. Ég vonast til að geta verið með miða á gleðiárshátíðinni ef við verðum búin að fá þá í hendur.

Kveðja, Bidda

Árshátíð Gleðikórsins

2008-04-08T21:17:00.002Z

árshátíðarnefndin situr nú sveitt við að leggja loka hönd á skipulag árshátíðarinnar. Eins og áður hefur komið fram verður hún 19. apríl á veitingastaðnum Thorvaldsen á Austurstræti.
Við munum þó byrja heima hjá Hörpu á Frakkarstíg.

innan tíðar munu þið fá senda skráning þar sem þið getið staðfest hvort þið mætið eður ei og valið úr 3 valkostum um matseðil

Ef einhver hefur eitthvað uppistand eða þess háttar endilega sendið mér póst á erna.maria.jensdottir@gmail.com og ég kem því til veislustjórana

Bíðið endilega spennt fram að næstu fregnum...

Nýjar fréttir

2008-04-08T18:41:00.001Z

Mér fannst bara tími til komin að setja inn smá línu hérna!

Er ekki stemmning fyrir árshátíðinni? Hver ætlar að mæta ofur hress? Rétta upp hönd!

Ég get því miður ekki rétt upp hönd þar sem ég er flutt til Oslóar í þrjá mánuði. Hlakka til að sjá ykkur öll í júlí!

Gleðikonur og gleðimenn!

2008-02-25T13:39:00.000Z

Gleðikonur og gleðimenn, athugið!

Ohh, mig hefur alltaf langað til að nota þessa fyrirsögn... Á föstudaginn langa, þann 21. mars næstkomandi verð ég hálffimmtug, það er sama og að vera tuttugu og fimm, er það ekki??? Í tilefni af því langar mig að bjóða ykkur í smá hóf hér heima hjá mér á Sólvallagötu 68b. Þetta er beint á móti Vesturbæjarskólanum, gengið um port milli 66 og 68 inn í stóran garð þar sem litla húsið mitt er í vinstra horninu á bakvið stærðarinnar tré. Ég skal setja út kerti eða eitthvað, þá finnið þið þetta örugglega. Mæting upp úr 9 eða bara þegar ykkur hentar. Vonast til að sjá sem flesta:D

Bidda gamla

Sunnudagskaffi

2008-02-19T22:32:00.001Z

Allir í sund á föstudaginn (sjá færsluna fyrir neðan)

En á Sunnudaginn næsta hyggst Ásdís Kökuerðarkona blása til sunnudagskaffis.... Hún ætlar nebblilega aðeins að æfa sig í kökugerðunum og vantar góða matsmenn og skemmtilegt fólk í herlegheitin.... vonast er til að sem flestir mæti og eru allir velkomnir....

staður og stund: Sunnudagur um þrjú leitið að Hæðargarði 18

Sund á föstudaginn!

2008-02-19T14:24:00.001Z

Hæ félagar

Líst ykkur ekki vel á að ljúka vinnuvikunni með því að fara í sund áföstudaginn kemur, láta líða úr sér í pottinum og njóta þess að vera ígóðum félagsskap?

Við vorum að spá í að hittast í Laugardalslauginni um sexleytið,hvernig líst ykkur á það?

Kveðja, Bidda

Úber hallærisleg föt

2008-02-15T09:54:00.003Z

Það var fámennt en mjög góðmennt á My so called life kvöldi í gærkvöldi. Gleðikórsfélagar (og ein boðflenna sem sá síðust 30 sek af þættinum) horfðu á vel valinn þátt úr seríunni góðu og var mikið hlegið. Þátturinn sem umræðir er 12 þátturinn í seríunni og kallast SelfEsteem. Fæstir höfðu séð þessa þætti svo árum skiptir og kom það okkur Ernu Maríu allaveganna dálítið á óvart að við gátum enn talað með þáttunum!

Það sem kom kannski mest á óvart var hversu ótrúlega hallærisleg föt voru í þáttunum, næstum eins og búningadeildin hafi farið yfir um því svona föt og samsetningar voru ábyggilega ekki í tísku á þessum árum!

Takk fyrir komuna, þið sem lituð við!

Hilla

Hittingur FIMMTUDAGINN 14. febrúar

2008-02-11T10:07:00.000Z

Gleðilegur gleðikórsfélagar,

Jordan Catilano kvöldið datt upp fyrir vegna veðurs á föstudaginn. Ég blæs því til nýs hittings fimmtudaginn 14. febrúar í staðinn! Allir velkomnir.

Eins og áður er planið að horfa á einn eða tvo velvalda þætti úr seríunnu góðu My so called life en annars bara spjalla og hafa það gott!

Nánari upplýsingar um staðsetningu í tölvupósti!

Gleðikveðja,
GleðiHilla

Föstudagsgleði

2008-02-05T13:49:00.001Z

Gleðilegu gleðikórsfélagar,

Föstudaginn 8. febrúar næstkomandi blæs ég til löngu tímabærs gleðiáhrofs á vel valda þætti úr seríunni My so called life. Planið er að kíkja á einn til tvo þætti og eiga svo huggulegt kvöld í spjalli og jafn vel áti og drykkju!

Þeim sem leiðist My so called life þurfa ekki að örvænta, hægt er að koma af stað góðu eldhúspartýi á meðan eða taka með sér handavinnunna og sökkva sér í hana!

Mæting er klukkan 20:00 fyrir þáttinn, annars má bara koma þegar menn vilja!

Hlakka til að sjá sem flesta! Nánir upplýsingar um staðsetingu í tölvupósti.

2008-01-31T16:00:00.000Z

Sjáumst í bollukaffi á sunnudag!!! Sjá færsluna fyrir neðan.

Bendi annars á þetta hér:

UNIFEM-UMRÆÐUR um Kongó og Súdan

Laugardaginn 2. febrúar fer fram annar fundurinn í fundaröðinni UNIFEM-UMRÆÐUR. Markmið fundanna er að varpa ljósi á stöðu kvenna í þróunarríkjum og á stríðshrjáðum svæðum sem og að kynna starf UNIFEM. Fundurinn sem stendur í um klukkutíma verður haldinn í Miðstöð Sameinuðu þjóðanna að Laugavegi 42 og hefst kl. 13.

Á fundinum munu tvær konur varpa ljósi söguna, pólitíkina, jafnrétti kynjanna og ástand samfélaganna í Suður-Súdan og Kongó út frá eigin reynslu.

Sigríður Víðis Jónsdóttir blaðamaður og þróunarfræðingur
-Er eitthvað annað en stríð í Súdan?-

Bergljót Arnalds rithöfundur og leikkona
-Kongó: Helvíti í paradís- Á eftir verða umræður. Ókeypis inn og allir velkomnir!

---

Svo er hægt að hlusta á viðtal við mig í Samfélaginu í nærmynd á Rás 1 á morgun föstudag kl 11:30 og líka í þættinum Gárum á Rás 1 kl 13 á sun. bæjó Sigga

Bollugleði

2008-01-30T18:35:00.000Z

Ég hef ákveðið að blása til ærlegrar bollugleði... þar sem ég mun baka vatnsdeigsbollur að bollumannasið og hafa heitt á könnunni.. Húsið munn opna fyiri bollusvöngum gleðilegum kórurum klukkan þrjú sunnudaginn 3. feb (daginn fyrir bolludaginn) og ég á heima að Hæðargarði 18 eins og flestir vita....

hlakka til að sjá ykkur og fá ykkur
kveðja Ásdís

Gönguferð á morgun (laugardag)

2008-01-11T16:26:00.001Z

Hæhæ
Hvernig líst ykkur á göngutúr á morgun?
Sjá nánari upplýsingar: hér

Gleðiátakshópur

2008-01-07T14:44:00.000Z

Sæl öll og takk kærlega fyrir gamla árið.

Ég veit að ansi margir úr Gleðikórnum ætla í átak gegn fitu- og slenpúkanum núna á nýju ári.
Þar sem okkur finnst svo gaman að gera eitthvað saman og þegar við-ið kemst yfir mannskapinn tekst okkur allt svo miklu betur. Datt mér í hug að því tilefni að stofna Gleðiátakshóp þar sem við styðjum hvort annað í baráttunni og gera eitthvað skemmtilegt, sveitt og fitusnautt saman.

Þó svo að fólk hafi misjöfn markmið og misjafnar aðferðir getum við gert margt skemmtilegt og hvetjandi saman.

Sem dæmi:

Gönguferðir, skiptast á uppskriftum, hittingar án hiteininga, sundferðir, og hvað annað sem okkur dettur í hug að gera...

Fyrsti hittingur verður næsta fimmtudag kl. 20.00 heima hjá Ýrr Háaleitistbraut 43, 1.h.v.
Þá er planið að við peppum hvort annað upp og skiptumst á góðum ráðum (og slúðri.. hehe)

Hlakka til að sjá sem flesta
kveðja,

við-ið....... ;)

Gledilegt ar!

2008-01-02T13:41:00.001Z

Elsku gleðikórsfélagar!

Ég vildi bara óska ykkur einstaklega gleðilegs árs og þakka fyrir mjög gott liði gleðiár. Ég efast ekki um annað hið nýja ár verði jafn gleðilegt ef ekki gleðilegra en fyrsta formlega gleðkórsárið!

Hlakka til að sjá ykkur öll í næstu gleðigleði!

Og já Takk Lára kærlega fyrir frábæra jólagleði!

Að gúgla smákökur/smákökum

2007-12-19T10:09:00.000Z

Með munninn fullan af smákökum deildu gleðikórsfélagar um sögnina að gúgla í gærkvöldi. Þrætuefni var hvort ætti að nota þolfall eða þágufall á eftir umræddri sögn. Þar sem enginn niðurstaða komst í málið (nema mikill hlátur á stöku stað) þá leitaði ég til orðabókar Háskólans um þetta efni. Niðurstöðurnar má lesa hér.

Jólalögin á Þorláksmessukvöld

2007-12-17T17:29:00.000Z

Ákveðið hefur verið að hittast á Þorláksmessukvöld kl. 20.00 fyrir utan Eymundsson (eða í anddyri) í Austurstræti.
Svo munum við rölta upp Laugaveginn og syngja nokkrum sinnum á leiðinni....og kannski fara saman í kakó eða öl á eftir.

ALLIR hvattir til að mæta - alveg sama þó þið hafið EKKI komið til Hörpu að æfa - Þengill útbýtir nótum ef þið eruð búin að týna ykkar.

Ákveðið var að syngja eftirtalin lög:

Hátíð fer að höndum ein
Það aldin út er sprungið
Skreytum hús með greinum grænum
Englakór frá himnahöll
Kom þú kom vor Immanúel

Ef einhvern langar til að syngja líka á laugardaginn 22.des - segið þá endilega frá því hér í kommentakerfinu!
Kveðja, Stúfur

Jólastund tra la la II

2007-12-17T09:32:00.000Z

Minni á smákökustund á Baldursgötunni annaðkvöld upp úr hálf níu! Munið bara að hringja á bjöllunni sem stendur Olav Veigar en ekki hinum!

Sjáumst!

JÓLASÖNGUR

2007-12-13T12:46:00.000Z

Hó hó hó!!!!

Hvað kemur manni betur í jólaskapið en að SYNGJA JÓLALÖG?

.......svarið er EKKERT

Ákveðið hefur verið að boða til Gleðikórssöngs á Laugaveginum á Þorláksmessu! (í eftirmiðdag eða um kvöldið)

Það er hugsað sem einskær skemmtun og jólagleði fyrir þá sem langar til að syngja jólalögin í góðravina hópi og leyfa laugavegsgöngugörpum að njóta með (fáum ekkert borgað - og jú það má alveg!)

Æfing verður haldin heima hjá Hörpu kl. 17.00 á sunnudaginn kemur þann 16.des

Ætlum að syngja t.d.
Bjart er yfir betlehem
Kom þú kom vor immanúel
Það aldin út er sprungið
...og einhver fleiri lög sem leynast í nótunum okkar gömlu góðu og eru í uppáhaldi!

Takið með ykkur gamlar jólalaganótur!

Sjáumst vonandi sem flest!

.....munið svo að lesa póstinn hér fyrir neðan líka um SMÁKÖKUKVÖLD hjá Hildi á þriðjud.18.des!

Jólastund tra lala II

2007-12-13T09:27:00.001Z

Það er komið að næstu jólastund börnin góð!

Þriðjudaginn 18. desember verður smákökujólastund hjá mér á Baldursgötunni. (nánari upplýsingar um heimilsfang fást í tölvupósti) Þeir sem vilja (og endilega sem flestir) koma með eina smákökusort og uppskriftina af henni. Allir smakka hjá öllum og geta fengið uppskriftinar ef ykkur líkar kökurnar.

Það er svo aldrei að vita nema það verði kakó eða glögg á bloðstólnum!

Sjáumst sem flest!

Jólastund tra lala

2007-12-09T23:46:00.000Z

Kæri Gleðikór....

Ég var að hugsa um að bjóða til gleðilegrarjólastundar... Föndurstund.... Ég mun kaupa kassa af mandarínum og finna til jólakortaskapalónin mín og föndurdótið mitt... breiða dagblöð yfir jóladúkinn minn og svo komið þið með það sem þið viljið föndra... það getur verið t.d að mála mynd til að gefa í jólagjöf, jólakort (og ég get gefið ykkur hugmundir), pakka inn jólagjöfum, skrifa á jólakortin, setja á þau frímerkin, mála á jólapappír, sauma út jólamynd, setja nýtt greni í aðventukransinn, finna út hvaða pera það er sem er sprunginn í jólaseríunni, gera músastiga, já eða bara sitja og dást að hinu fólkinu föndra.... ég ætla ekki að baka fyrir jólin svo þið veriðið að koma með jólasmákökurnar sjálf ;-)..... Helgi mun þeyta jólaskífum inn í stofu svo að rétt jólastemning svífi yfir vötnum.....

Mæting um hálf átta – átta.. miðvikudaginn 12. desember. eða bara um leið og þið eruð búin að kyngja síðasta kvöldverðarbitanum og eruð tilbúin að föndra... eða jólast eitthvað ... ég verð heima

Kv Ásdís

Til hamingju Karen og Atli

2007-11-29T10:54:00.000Z

Í gær þann 28.11.2007 varð fjölgun í barnakór Gleðikórsins. Kl.20.59 fæddist lítill drengur, 13 merkur og 50cm.

Innilegar hamingjuóskir með strákinn ykkar :)

Tónleikar

2007-11-15T11:09:00.000Z

Elsku krakkar.
Langar að auglýsa tónleika Háskólakórsins (já sumir geta ekki hætt).
Verður mjög flott.
Messa í C eftir Beethoven
sinfóníuhljómsveit unga fólksins
stjórnandi Gunnsteinn Ólafsson.

Hvað: Tónleikar Háskólakórinn
Hvar: Langholtskirkja
Hvenær: sunnudaginn 25. nóvember kl 20 eða þann 27. nóv kl 20

TAKIÐ EFTIR AÐEINS 1000 KALL Í FORSÖLU (T.D HJÁ MÉR ;))
1500 VIÐ INNGANG.

HÓ HÓ HÓ

2007-11-15T09:20:00.000Z

Jólin nálgast.........

Jólagleði

Jólasmákökugleði

Jólaföndursgleði

gleði gleði gleði.....

jóla jóla jóla..........

nánari upplýsar berast innan tíðar.....

Bestu gleðikveðjur
Gleðiteymið

2007-11-04T21:35:00.000Z

Sælt veri fólkið

Mig langaði bara að kasta smá kveðju hingað inn. Er orðin svona óþolandi manneskja sem lætur gera ráð fyrir sér í alla hittinga en mætir svo aldrei.
Ekki nógu gott.
Því er þessi síða svo mikil snilld, þá sér maður hvernig fólk hefur þroskast og búið leggja frá sér krúsina og taka upp prjónana í staðin. Það er þó ekki svona rosalega langt um liðið.

Verður ekki einhver flottur aðventufögnuður í des?

Bestu kveðjur, H.

Handavinnumyndir

2007-11-01T22:53:00.000Z

Myndir frá Gleðilegri handavinnu

OG

Myndir frá útskrifarpartý Ernu Maríu: Part I, Part II

Hittingur á morgun

2007-10-30T16:15:00.000Z

Sælir gleðifélagar,
Ég þakka kærlega fyrir komuna í partíið til mín seinasta laugardag og fyrir allar fallegu gjafirnar sem þið gáfuð mér. Það mættu um 40 manns í parti og var gleðikórinn í stórum meirihluta enda leið ekki á löngu uns nágrannanir fóru að kvarta utan of fallegum söng sem barst upp á næstu hæðir....

Ég hef alls ekki fengið nóg og vil því endilega bjóða ykkur aftur í heimsókn á morgun. Hittingurinn verður kannski pínu stelpulegur þar sem planið er að borða mikið af súkkulaði og glápa á ANTM eða eitthvað annað stelpulegt :)

Strákar eru af sjálfsögðu jafn velkomnir og stelpur en þeir verða hins vegar að vera tilbúnir til að slúðra borða mikið súkkulaði og hneikslast á að hvað fyrirsæturnar i ANTM eru horaðar. Svo horfum við á How to look good naked eftir allt súkkulaði átið

ég bý eins og áður hefur komið fram á Hjarðarhaga 46 og mæting bara upp úr 20.00

Hlakka til að sjá ykkur,
Erna María

Takk fyrir boð

2007-10-29T18:23:00.000Z

Takk fyrir yndislegt boð hjá Ernu, gaman að sjá ykkur svona mörg. Og eldhús-söngurinn! alltaf gaman.

Gleðileg handavinna

2007-10-23T12:51:00.001Z

Jæja, þá er loksins komið að því! Ég ætla að blása til handavinnukvölds heima hjá mér annað kvöld (miðvikudag). Vonast til að sjá ykkur sem flest.

Allir koma með handavinnu að eigin vali (prjóna, hekla, mála, skartgripagerð...eða annað - notið ímyndunaraflið! :)

Vinsamlegast boðið komu yðar.

Staður: Háaleitisbraut 43, 1.h.VINSTRI
Stund: 20:00
Hvað: Handavinna að eigin vali

Tónleikar í Söngskólanum

2007-10-15T23:49:00.001Z

Elsku gleðivinir. Við Sigga Rósa syngjum báðar á tónleikum í Snorrabúð, sal Söngskólans í Reykjavík við Snorrabraut, á morgun kl. 20. Það er sumsé á þriðjudag kl. átta um kvöldið.
Ég ætla að syngja tvö lög og Sigga Rósa þrjú (svo eru þarna einhverjir aðrir nemendur líka). Það væri gaman að sjá ykkur.

útskriftar- og innflutningspartí

2007-10-08T15:04:00.000Z

Elskulegu Gleðivinir,

Þann 27. október mun ég útskrifast úr Háskólanum með virðulega BA-gráði í mannfræði og bíð ykkur öllum að fanga því með mér í nýju íbúðinni minni á Hjarðarhaga 46.

Ég sendi ykkur formlegt boðsmeil fljótlega en endilega takið frá kvöldið...

Fullorðins og afar kúltiverað kaffiboð

2007-10-05T13:29:00.000Z

Kæru gleðikórsystkin

Ég er að hugsa um að hóa saman í síðdegis kaffiboðs næstkomandi fimmtudag.... Þegar þreytta fólkið sem er orðið svo fullorðins skreiðlast úr fullorðins vinnunni (eða þá úr ótrúlega fullorðins skólanum) þá langar mig að stefna því heim til mín í ávaxtasalat, slúðrar, te eða kaffi... endurhlaða batteríin og hittast....

Staður og stund: Hæðargarður 18..... um klukkan 17:00 fimmtudaginn 11. okt (skrifið þetta í vasadagbækurnar !!!.... eru ekki allir svona fullorðins með svoleiðis)

Bestu kveðjur Ásdís

Kaffiboð hjá Fríðu Siggu

2007-09-24T21:06:00.000Z

Hæ hó gleði-lömbin mín!
Fyrir hönd Fríðu ætla ég að bjóða ykkur í kvöld-kaffi annaðkvöld (þriðjudag):

Staður: Mánagata 8 (sjá kort)
Stund: hálf9 - 9
Annað: hringið á efri bjöllu

Fríða vonast til að sjá ykkur sem flest :) Vinsamlegast boðið komu ykkar í kommentakerfið...og afsakið hve boðið kemur seint :)

Gleðidans

2007-09-21T13:36:00.000Z

Það voru þrír gleðkórsmeðlimir og eitt viðhengi sem skelltu sér í grenjandi rigninu og myrkri að sjá myndina Hairspray. Allir voru glaðir og kátir að myndinni lokinni enda er hún eintómur söngur, dans og gleði þó undirtónn myndarinnar sé aðskilnaður hvítra og blökkumanna í Bandaríkjunum.

Eftir myndina langaði mann helst til þess að taka nokkur dansspor bara og það spratt upp umræða um að breyta gleðikórnum í gleðidansfélagið :o)

Ég hvet svo alla sem langar að lyfta sér úr hversdagnum og fyllast lit og gleði að kíkja á myndina Hairspray. Já svo ættu allir að sjá Astrópíu líka. Ein af betri íslensku gamanmyndum sem gerðar hafa verið!

Gleðikórinn fer í bíó

2007-09-17T09:03:00.000Z

Jæja lömbin mín, er ekki löngu komin tími til að fara í bíó?

Höldum í gleðilega bíóferð miðvikudaginn 19. sept að sjá myndina Hairspray. Hittumst í Háskólabíói korter í átta!

Sjáumst vonandi sem flest :o)

Bjart draumaland

2007-09-12T20:45:00.000Z

Mig dreymdi um Bjart í nótt! Það er íslensk stúlka sem er með mér í námi hér í Kosta Ríka sem var á Bifröst og hún þekkir hann Bjart. Við sögðum kjaftasögur um hann og svo vorum við Bjart að ganga saman við sólarlag á fallegri strönd í mínum draumaheimi.
Þetta ógnar mér soldið.

Gleðiferðin nálgast eins og óð fluga!

2007-08-23T17:29:00.001Z

Sæl öll,

Nú er gleðin mikla að fara skella á, við í gleðiteyminu höfum setið sveittar við að skrá alla gleðikonurnar og mennina í ferðina að Fljótstungu. Það lýtur allt út fyrir mjög góða mætingu, sem er alveg frábært. Það er enn laust gistipláss fyrir þá sem áttu erfitt með að ákveða sig eða hafa skyndilega komist að því að þeir sjái sér fært að mæta.

Eins og áður hefur verið tekið fram munum við gista á www.fljotstungu.is við höfum mest allt svæðið útaf fyrir okkur og því truflum við engann ef okkur dettur í hug að syngja Sæmund eða aðra gamla slagara.

Ég hef tilkynnt staðarhöldurum að við munum mæta upp úr kvöldmat á föstudaginn en ef það eru einhverjir aðrir sem vilja taka forskot á sæluna þá er minnsta málið að redda því.

Föstudagskvöldið hefur verið lítið planað nema að okkur datt í hug að þá væri gaman að spila fyrir þá sem hafa áhuga eða bara spjalla yfir köldum bjór.Laugardagurinn verður sérstaklega skemmtilegur dagur því þá verður mikið hægt að gera, þarna er hægt að fara í Hellaferð, veiða, hestbak, berjamó, fossaskoðun, sund, gönguferðir eða hvað annað sem stemming er fyrir.Ég hvet ykkur endilega til að kynna ykkur hvað er í boði með því að skoða www.fljotstunga.is þar er einnig kort af svæðinu þannig þið ættuð að rata þangað frá Reykjavík (það eru þó einhverjir að koma frá Akureyri svo þeir verða bara að reyna að finna út úr þessu)
Allar þessar afþreyingar eru innan ódýrari marka og því ekki mikið sem ætti að stoppa okkur.
t.d. kostar hellaferðin c.a. 1000 kr :D

Ekki er nauðsynlegt að gista og eru nokkrir búir að tilkynna heimsókn sína, enda ekki nema ca. klukkutíma akstur frá RVK. En gistinginn er samt mjög aðlaðandi og hvetjum við ykkur eindregið að nýta ykkur hana.

Eins kom fram í seinasta maili frá okkur þá rukkum við 1250 kr fyrir hverja nótt á mann, þannig því fleiri sem skrá sig, því léttara andar Gleðiteymið!!!

Ég myndi gjarnan þyggja að þið mynduð leggja inn á mig fyrir gistinguna ykkar á reikninga hjá mér svo ég þurfi ekki að standi í að rukka ykkur,
310-26-20882 kt. 020882-4689

Hlakka til að sjá ykkur öll um helgina,
Bestu kveðjur fyrir hönd gleðiteymis,
Erna María 868-5046

Sumargleði

2007-08-20T11:22:00.000Z

Kæru gleðikórsfélagar!

Þá er loksins komið að því! Sumargleðikórsins nálgast óðfluga! Eins og áður hefur komið fram verður gleðin helgina 24.-26. ágúst í Fljótstungu.

Það verður mikið fjör og mikil gleði þessa helgi enda býður svæðið upp á mikla möguleika. Hægt er að fara í gönguferðir, hellaferðir, hanga inni, fara út í leiki og margt margt fleira. Gist er í svefnpokaplássi og við reynum að koma öllum fyrir inni. Gistining kostar 1250kr. nóttinn á mann.

Við hvetjum alla gleðkórsfélaga til að mæta og gleðjast í lok sumars. Fljótstunga er aðeins í klukkutíma akustrfjarlægð frá höfuðborgarsvæðinu og því örstutt að skjótast! Það er að sjálfsögðu velkomið að mætta án þess að gista og við hvetjum alla sem ekki hafa tök á að gista að kíkja við í Fljótstungunni.

Skipulag helgarinnar verður létt og skemmtilegt.Á laugardagskvöldinu er ætlunin að borða öll saman og hafa gaman. Hver og einn kemur með á grillið fyrir sig. Síðan koma allir með sitt uppáhaldsmeðlæti og við búum til úr því eitt risastórt meðlætahlaðborð fyrir alla. Að öðruleiti sér hver um sinn mat yfir helgina. Við biðjum þó þá sem geta að koma með grillolíu og kol!

Skráning er hjá Ernu Maríu Gleðteymismeðlims á emjHJÁhi.is. Þegar þið sendið inn skráningu svarið þá þessum spurningum:

1. Hvað heitir þú?
2. Hvað ætlaður að vera lengi:
a. Alla helgina
b. Frá föstudegi til laugardags
c. Frá laugadegi til sunnudags
d. Ætla að koma en ekki gista
3. Ertu í góðu skapi og gleðin við völd?
4. Verður á bíl?

Gleðikórsfélagar koma sér sjálfir á staðinn. Ef einhvern vantar far, hafið þá samband við Ernu Maríu (emjHJÁhi.is,) eða Sigrúnu (sigrunoHJÁgmail.com) gleðteymisfélaga og þær gætu vitað af einhverjum með laust sæti!

Við hlökkum til að sjá ykkur og tómri gleði í fljótstungu og ekki gleyma að skrá sig!

Ykkar einlæga Gleðiteymi!

2007-08-19T17:18:00.001Z

Gleðiferðin

Bara spá hvort það sé ekki stemma fyrir ferðinni næstu helgi? Er einhver að fara?
Eg fer allavega ef þið farið hehe...
Var bara svona að pæla því maður hefur ekkert heyrt í fólki - er þetta enn ON?

Gleðikaffihúsaferð

2007-08-03T16:08:00.000Z

Næsta miðvikudag 8. ágúst verður gleðihittingur á Kaffibrennslunni. Mæting er upp úr kl. 20.00 en sniðugt fyrir þá sem verða svangir að mæta fyrr og fá sér kvöldmat af nýjum matsel staðarinns.

Strax hefur góður hópur boðað koma sína svo endilega komið og blendið geðið við Gleðifólk

Sjáumst
Gleðiteymið

Gleðilegtvöffluafmæliskaffi

2007-07-31T10:05:00.000Z

Sæl öll,

Á fimmtudaginn 2. ágúst verða 25 ár síðan ég bættist í þennan heim og langar því að bjóða ykkur í gleðilegtvöffluafmæliskaffi heim til mín á Eggertsgötu 24, íbúð 116 kl. 20.00

Endilega mætið sem flest. Það verður örugglega rætt nánar um Gleðiferðina okkar 24.-26 ágúst í Fljótstungu..

Bestu gleðikveðjur,
Erna María

Sumgargleði í Fljótstungu

2007-07-18T11:55:00.001Z

Elsku gleðivinir,

Nú líður sumarið og það þýðir bara eitt, það styttist óðfluga í Sumargleði Gleðikórsins!!! Það verður dúndurfjör að vanda!

Sumargleðin verður að Fljótstungu í Hvítársíðu helgina 24.-26. ágúst. Þar er ýmislegt skemmtilegt hægt að bralla saman og ýmisr gistimöguleikar í boði!

Við biðjum ykkur að senda Hildi póst á flovenzHJÁgmail.com og láta vita hvort þið komist með þessa helgi svo við getum áttað okkur á fjöldanum og einnig taka fram hverskonar gistingu þið hafið hug á. Um er að ræða þrjá möguleika, tjaldstæði, minni sumarhús og herbergi með uppábúnum rúmum. Aðeins nánar eru um þetta í tölvupósti sem var sendur á póstlistann fyrr í dag! Ef þið hafið ekki fengið tölvupóst frá okkur endilega sendið okkur línu i kommentakerfinu eða á flovenzHJÁgmail.com og við kippum því í liðinn!

Njótið nú sumarsins!

Ykkar einlæga gleðteymi!

Litli Brúnn 2007

2007-07-02T23:23:00.000Z

Sæl og blessuð

Helgina 13 - 15 júlí verður útilega Háskólakórsins haldin hátíðleg. Vonast er til að veðurvættir verði skemmtilegir og láta ljós sitt skína og að bæði (mjög) ungir sem aldnir kórmeðlimir geti skemmt sér í góðu yfirlæti. Ef þið hafið áhuga á að sækja lundinn heim, þá er Kalli búinn að henda upp skráningu hér.

Með von um gleði og glaum,
Þórir Hrafn

Takk fyrir!

2007-06-30T17:43:00.001Z

Vildi bara segja takk fyrir góða bíóferð í gær! Vonandi var þessi ferð bara sú fyrsta af mörgum sem gleðikórsfélagar fara saman í!

BÍÓ Í KVÖLD

2007-06-29T08:52:00.000Z

Elsku vinir!

Gleðikórinn fer í bíó í kvöld að sjá græna tröllið Shrek. Hittumst í Kringlubíói rétt fyrir átta í kvöld.

Eftir myndina geta partý þyrstir þust í bæinn! Ef þú ert búin að sjá Sherk en vilt endilega hitta Gleðikórsfélagan því þeir eru svo skemmtilegir vertu í bandi eftir myndina!

Gleðileg sumargleði Gleðikórsins

2007-06-27T16:18:00.000Z

Elsku gleðikórsmeðlimir!

Ykkar ástkæra og einlæga gleðiteymi hittist í vikunni og réð ráðum sínum um komandi starf og kkar gleðilega gleðifélags!

-SUMARGLEÐI- verður haldin helgina 24.-26. ágúst næstkomandi! Staðsetning og nánar um ferðina kemur vona bráðar. Ef þið komist alls ekki þessa helgi endilega látið okkur vita því ef enginn kemst þessa helgi þá verðum við að finna nýja! Við ætlum að eiga saman góða helgi þar sem gleðin er við völd bæði fyrir alla kórfélaga, einhleypa, tvíhleypa eða þríhleypa!

-BÍÓFERÐ- Afar gleðileg bíóferð verður farinn á föstudaginn þann 29. júní. Hugmyndin er að sjá græna tröllið Shrek! Tímasetning og staðsetning verður sett hér inn og send á póstlistann snemma á föstudaginn!

Það mun ábyggilega margt fleira gleðilegt og skemmtilegt verða á döfinni í sumar svo það er um að gera að vera glaðlegur og fylgjast vel með hérna á síðunni og póstlistanum!

Jónsmessutónleikar

2007-06-23T09:08:00.001Z

Sæl öll,

Mig langar að athuga hvort það væri ekki stemming til að fara saman á Jónsmessutónleika á Nasa í kvöld. Því þar verða algjörir snillingar saman komnir
HJÁLMAR, MEGAST OG KK!!
http://nasa.is/index.php?option=com_n-nasa-ticket&Itemid=24&do=view_event&event_id=224

Kannski stutt fyrirvari hjá mér, en ég bara var að komast að þessu og datt í hug hvort að gleðilegasta fólkið væri til í að hópa sig saman með mér þangað í kvöld

Nánar af gleðifundinum

2007-06-20T17:36:00.001Z

Jæja þá er fundargerð 1. gleðifundar Gleðikórsins loksins tilbúin og búið að senda hana ykkur í pósti ásamt ný samþykktum gleðireglum fyrir gleðikórinn.

Það helsta sem fram fór á fundinum var að gleðireglurnar voru samþykktar með smávægilegum breytingum frá útsendum drögum ásamt því að kostið var í gleðiteymi eins og sagt var frá starx eftir fundinn. Einnig var samþykkt að Gleðikórinn fyndi sér söng og slagorð sem þróa ætti með tímanum. Það var svo að sjálfsögðu mikið hlegið og gleðin við völd þó margir undruðu sig á bjórleysi meðlima. Lofað var að bæta úr því í næsta hittingi. Svo var ákveðið að sumargleði gleðikórsins yrði haldin í ágúst og var gleðiteyminu falið að finna tíma og skipuleggja það.

Ég hvet ykkur svo til að skoða bara fundargerðina og gleðreglurnar og hlakka til að sjá ykkur í næsta gleðihittingi!

1. gleðifundur Gleðikórsins

2007-06-15T08:50:00.000Z

1. formelgir gleðifundur gleðifélagsins Gleðikórsins (Gleðikórinn GF) var haldin í gærkvöldi. Það var margt um manninn og um 20 manns mættir. Á fundinum voru samþykktar gleðirelgur fyrir kórinn ásamt því að kosið var í gleðiteymi. Ýmsar hugmyndir komu líka upp sem voru ræddar og starf Gleðifélagsins GF mótað! Þetta var allt mjög gleðilegt og skemmtilegt!

Ég mun setja inn á síðunua helstu punkta úr fundargerðinni ásamt ný samþykktum gleðireglum við fyrsta tækifæri og fundargerð fundarins verðu send meðlimum á póstlista um leið og hún er tilbúin. En ég læt fljóta hér með hvernig kosningar gærkvöldsins fóru:

Hildur var kosinn formaður gleðiteymisins og Erna María, Lára Kristín og Sigrún voru kosnar sem fulltrúar í gleðteymi. Við munum því halda utanum formlega viðburði gleðikórsins fram að næsta gleðifundi sem samkvæmt nýjum gleðireglum verður haldinn fyrir apríl lok 2008.

Gleðilegt Gleðisumar!

Aðalfundur!

2007-06-11T15:24:00.000Z

Elsku gleðikórsfélagar,

Kíkið endilega á tölvupóstinn ykkar, þar er fundarboð á fyrsta aðalfund Gleðikórsins ásamt nánari upplýsingum og fundargögnum!

Fyrir þá sem ekki komast á fundinn þá mun koma á síðuna hvað fór fram á fundinum!

Aðalfundurinn

2007-06-04T12:16:00.000Z

Með tilliti til þess að ég (Sjonni) og Þengill vorum ekki viðstaddir aðalfundinn 1. júní síðastliðinn sokum þess að við vorum báðir á Akureyri, höfuðþorpi norðurlandsins, legg ég til að fundargerðin verði birt á heimasíðu gleðikórsins svo að allir meðlimir geti séð niðurstöðu umrædda fundarins viðvíkjandi skipalagningu viðburða sumarsins og til að hvetja til frekari umræðu í þeim málum.

Bestu kveðjur

Afmæli!!!

2007-05-31T11:39:00.000Z

TIL HAMINGJU MEÐ AFMÆLIÐ ÝRR!!!! :)

Gleðipartý

2007-05-30T11:02:00.000Z

Ég ætla að taka af skarið og byrja á umræðu um að halda "aðalfund" Gleðikórsins. þar sem við skipuleggjum aðeins hvernig sumarið og haustið verður hjá okkur. Það er hvernær við færum í útileigu/sumarbústað/ferðalag, hvernær við hittumst á kaffihúsum, grillum eða kaffiboð.

Löglegur aðalfundur verður svo boðaður formlega á næstu dögum, en það væri fínt að hittast og ræða aðeins hvaða væntingar við höfum til starf Gleðikórsins svo hægt sé að skipuleggja aðalfund.

Við vorum nokkur að velta fyrir okkur hvort við ættum að hittast á föstudaginn 1. júní því þá gengur reykingarbannið í gildi og þá væri gaman að kíka í bæinn og njóta þess að vera EKKI að kafna úr reykingum.

Okkur vantar s.s. einhvern sem er boðin og búin að halda PARTÝ.
ef þið hafið einhver comment um þessa dagsetninguna 1. júni endilega látið í ykkur heyra.

Matur fyrir tónleikana?

2007-05-23T12:33:00.000Z

Ég er að velta fyrir mér hvort það væri stemming fyrir því að við sem ætlum á tónleikana hjá Háskólakórnum á fimmtudaginn myndum vilja hittast og fara út að borða fyrir tónleikana?

Hittast t.d. kl 5.30 eða 6.00 og mæta svo saman á tónleikana kl 8!

Endilega segið skoðun ykkar í commentum

Going to the chapel and they´re... fa la la

2007-05-21T12:30:00.000Z

Elskurnar mínar, eins og sönnum háskólakórs og gleðikórsmeðlimi sæmir mun ég drekka einn drykk fyrir hvert eitt og einasta ykkar á Ítalíu í næstu viku. Þið látið bara vita hver vill rautt og hver vill hvítt, ú la la.

Sem fulltrúi Háskólakórsins í brúðkaupi Pálínu og René í Casale í Toscana á Ítalíu næsta laugardag mun ég bresta á með Krummi krunkar úti í kirkjunni - vitanlega í altröddinni. Þetta verður gjörningur, heimsviðburður.

Svo verð ég fyllst manna í brúðkaupinu og slæ í gegn með Augun mín og augun þín. Eða eitthvað svona flippað og frumlegt eins og Sæmundur. Hvernig segir maður annars Sæmundur sonarlíkami á ítölsku?

Já, já, góðar stundir. Kyssið öll kórbörnin frá mér.

2007-05-21T05:24:00.001Z

Gleðikórskaffi

2007-05-15T13:50:00.000Z

Anna blæs til Gleðikórskaffis í kvöld í Stakkahlíð 17, gleðin hefst milli átta og níu :o)

Sjáumst vonandi sem allra flest enda Anna bara í heimsókn í stuttan tíma!

Kristleifur og kindin

2007-05-13T22:44:00.000Z

Já takk fyrir pakkann... Kristleifur Heiðar og kindin eru strax bestu vinir ;)

æði

2007-05-12T11:24:00.000Z

takk takk takk takk takk takk
takk takk takk takk takk takk
tikk takk tikk takk tikk takk
takk takk...

frábær fyrirburaföt!

kv. Helgi og Ásdís

Glaðskapur

2007-05-11T13:53:00.000Z

Sæl öll,

Það verður haldinn gleðskapur hjá mér í kvöld 11. mai, í tilefni þess að ég er flutt aftur á mölina og langar svo að hitta uppáhalds fólkið mitt.

Boðið hefst upp úr 21.00 eða jafn vel fyrr fyrir þá sem geta ekki beðið eftir að hitta mig :) Ég bý á Eggertsgötu 24, íbúð 116.

Nú þegar hafa margar af helstu kempum Gleðikórsins boðað komu sína og ég vona að sem flestir sem komast mæti!

Hlakka til að hitta ykkur,
Bestu kveðjur
Erna María

Lítill kórdrengur

2007-04-25T09:24:00.000Z

Ásdís og Helgi áttu lítin kórdreng í gærkvöldi, svolítið fyrir tímann. Drengurinn var 6 merkur og mun verða í hitakassa í einhverjar vikur. Fjölskyldunni heilast vel.

Tónleikar!!!

2007-04-24T23:36:00.000Z

Kórinn *Vox academica* flytur
*Ein Deutsches Requiem* - Þýsk Sálumessa,
eftir Johannes Brahms

Tónleikarnir verða í Langholtskirkju 5. Mai 2007 kl. 16:00

Einsöngvarar:
Sigrún Hjálmtýsdóttir - Sópran
Kristinn Sigmundsson - Baritónn

Hljómsveit:
Jón Leifs Camerata

Stjórnandi:
Hákon Leifsson

Miðaverð í forsölu 3000 kr. og við inngang 3500 kr.

Forsala aðgöngumiða fer fram í 12 Tónum, Skólavörðustíg, Tónastöðinni,
Skipholti og hjá kórfélögum.

Upplýsingar um tónleikana er hægt að fá í síma 899 7579 og á
voxacademica@gmail.com

Heimasíða kórsins er http:\\habil.is\vox

Miðar fást hjá mér. GSM 866-5566 eða thengillo@gmail.com

2007-04-21T13:43:00.000Z

skemmtilegt að sjá hvað þetta fólk hefur tekið út góðan þroska síðustu ár ;)

Formlegt sumar!

2007-04-19T15:02:00.000Z

Vildi bara óska gleðikórsmeðlimum gleðilegs sumars!

ooo gamlir góðir tímar....

2007-04-11T18:27:00.000Z

Ég kemst því miður ekki í neitt partí með ykkur fyrr en eftir 11. mai, því ég er á skrilljón í Ba-geðveiki.

En mér varð hugsað til þess þegar þið komuð í roadtrip til mín í Skagafjörðin sumarið 2005. Mikið ógeðslega var gaman þá og Bidda á margar góðar myndir úr þeirri ferð. Endilega kíkið á þær

http://www.pbase.com/biddalitla/roadtrip_2005&page=1

(ég var reyndar búin að hlaða fullt af myndum hingað inn en bloggerinn þurfti auðvitað að klúðra því fyrir mér svo það póstaðist aldrei :( )

En ég legg til að við förum í aðra álíka ferð í sumar! Eru allir game?

- Tökum bara öfluga barnapíu með okkur ;)

Er ekki komin tími á partý?

2007-04-10T16:06:00.000Z

Já maður spyr sig, er ekki komin tími á að Gleðikórinn haldi partý? Mér finnst það nú allveg nauðsynlegt!

Býður sig einhver fram í partýhald?

Gleðilega Páska

2007-04-07T16:51:00.000Z

Hafið það gott um hátíðarnar og njótið þess að borða súkkulaðiegg

Hittingur

2007-03-21T17:41:00.000Z

Sæl öll, ég er að fara í bæjarferð um helgina og kem til RVK á fimmtudaginn. Mig langar svo að hitta ykkur. Er stemming fyrir að kíkja á kaffihús um 9 leitið annað kvöld (22. mars)?

Kveðjur,
Erna María

p.s. Til hamingju Ýrr og Biggi með yndislega prinsinn

Litli kórdrengurinn

2007-03-21T13:44:00.000Z

Hér er litli kórdrengurinn nýfæddur :o)

Til hamingju Ýrr og Biggi

2007-03-20T01:12:00.000Z

Til að láta ykkur öll vita þá eignuðust Ýrr og Biggi lítinn dreng fyrr í kvöld klukkan 22.19
Prinsinn var 13 merkur og 49 cm
Hlakka svooooo til að sjá ykkur elsku fjölskylda......

Blogg

2007-03-14T23:30:00.000Z

Ýrr mín, ef þú ert ekki of upptekin við að eignast barn í aungablikinu værirðu þá til í að bæta blogginu mínu á listann hérna hægra megin? Annars líður mér svo undarlega útundan eitthvað. Kossar. Krunka.
http://www.krunkulina.blogspot.com/

gledikorinn@yahoogroups.com

2007-03-02T15:14:00.000Z

Nú ætti enginn að missa af neinu. :)

Sniðugt, sniðugt, E-mailið okkar, ég er komin með lausn við að koma skilaboðum áleiðis beint í pósthólfið ykkar, eins og ég sagði ykkur frá síðast. Í stað þess að skrifa niður öll e-mailin hér til hliðar til að senda á alla þá nægir bráðlega bara að senda email á gledikorinn@yahoogroups.com

Þið munið fá sent email “welcome message” á næstu dögum og þá getið þið byrjað að senda og fá skilaboð á þetta email. Það tekur nokkra daga að setja alla inn en öll emailin í listanum hér til hliðar ættu að vera komin inn fyrir næstu viku.

Ef það eru fleiri sem vilja vera á póstlistanum þá getið þið sent mér email á sigurast@gmail.com og ég mun bæta ykkur inní listann.

Eingöngu þau email sem eru skráð í gledikorinn@yahhogroups.com geta sent og fengið skilaboð frá þessu emaili. Þess vegna er mikilvægt að láta mig vita ef breytingar verða á emailum eða ef fleiri vilja vera með.

Ef þið hafið einhverjar spurningar eða ef þið hafið ekki áhuga að vera á póstlistanum, látið mig þá bara vita.

Heyrumst og sjáumst síðar, knús og kossar Sigurást